هذه القصه علمية وليست هزلية ويوجد لها جدوى واى تشابه بينها وبين الواقع فهو عن قصد ,
بعض من العلماء قرروا يعملوا تجربة على مجموعة من القرود وكان سيناريو النظرية كالتالى: احضروا خمسة قرود , وتم وضعهم فى قفص حديدى فى اعلى القفص تم وضع "سباطه "من الموز .. بعد فترة من دخول القرود ابتدأ يتحرك قرد ويطلع ناحية السباطه عشان يجيب الموز في الوقت ده العلماء كانو مجهزين مايه سخنه جدا وابتدوا يرشوها على باقى القرود اللى مراحتش ناحيه الموز , لما حاول القرد يطلع يجيب موز تانى اتكررت نفس العملية فالقرود منعوه عشان ميترشش عليهم مايه سخنه , حاول قرد تانىخالص يطلع يجيب موز فى اثناء محاولته القرود لقت نفس رد الفعل بانهم بيترش عليهم مايه سخنه جدا , فبقى رد فعلهم لما اى حد يحاول يطلع انهم بينزلوه لانهم مش عايزين يترش عليهم مايه سخنه تانى .. تم تبديل احد القرود الخمسه وجابو قرد جديد (ميعرفش حاجه عن رش المايه السخنه ع باقى القرود لما حد يطلع يجيب الموز اللى فوق ).. حاول انه يطلع يجيب موز من اللى متعلق فوق لكن لقى نفسه بيتمنع ويتهاجم من باقى القرود وهو ميعرفش ليه بس بعد عدد من المحاولات ادرك ان لو حاول يطلع يجيب الموز هيلاقى عقاب كبير وتوبيخ من مجتمعة ممكن يوصل لحد التهجم والمنع , بدلوا واحد كمان من القرود اللى عاصرت حادث المايه السخن ,بقرد جديد اول مادخل القفص وحاول يطلع يجيب موز , اتمنع ونزلوا فيه باقى القرده ضرب ومنهم القرد اللى اتمنع من غير ما يعرف ليه بيتمنع .. (اللى لحظوه ع اول قرد تم استبداله انه بيضرب القرد الجديد بعنف عشان يمنعه من الوصول للموز ,لكن هو ميعرفش ليه بيضربه هو عرف بس ان لمس الموز يعني عقاب المجتمع , وفى اعتقاد ان العنف اللى كان بيضرب فيه كان تخليص حقه من المجتمع فى القرد ده ) المهم , الموضوع اتكرر مع القرد كل ما يحاول يوصل للموز ,و تم استبدال كل قرود (الجيل القديم )اللى عاصروا حادثه رش المايه بقرود (جيل جديد ) معاصرتش الحادث ده .. ولكن فى النهايه وجدوا ان القرده الجديده برده بتمنع اى قرد يحاول يوصل للموز .. ليه ؟؟ محدش يعرف
